ଖୋର୍ଦ୍ଧା ୫।୧୧: ଖୋର୍ଦ୍ଧାରେ ବଢି ଚାଲିଛି ବ୍ରାଉନସୁଗର କାରବାର । ୨୦ ଗ୍ରାମ ବ୍ରାଉନସୁଗର ଜବତ କରିଛି ଖୋର୍ଦ୍ଧା ପୋଲିସ । ଏହାସହ ଜଣେ ଅଭିଯୁକ୍ତକୁ ପୋଲିସ ଗିରଫ କରିଛି । ଏ କାରବାରରେ କାହାର ସଂପୃକ୍ତି ରହିଛି ତାର ତଦନ୍ତ ଚାଲିଛି ।
ସୂଚନାଯୋଗ୍ୟ ଯେ, ନିଶାମୁକ୍ତ ଜିଲ୍ଲା ପାଇଁ ଖୋର୍ଦ୍ଧା ପୋଲିସ ପକ୍ଷରୁ ନାର୍କୋଟିକ୍ସ ସ୍କ୍ବାଡ୍ ଗଠନ କରାଯାଇଛି । ଏନେଇ ପୋଲିସ ପକ୍ଷରୁ ଏକ ହେଲପ ଲାଇନ ନମ୍ବର ଜାରି କରାଯାଇଛି । ଏହି ନମ୍ବରକୁ ଆସିଥିବା ଅଭିଯୋଗ ଆଧାରରେ ଖୋର୍ଦ୍ଧା ଆଦର୍ଶ ଥାନା ପୋଲିସ ପକ୍ଷରୁ ସାମନ୍ତରାୟପୁର ଛକରେ ଚଢଉ କରାଯାଇ ୨୦ ଗ୍ରାମ ବ୍ରାଉନସୁଗର ଜବତ କରିଛି । ଏହାସହ ଜଣକୁ ଗିରଫ କରିଛି ପୋଲିସ । ଅଭିଯୁକ୍ତ ହେଲେ ସାମନ୍ତରାୟପୁରର ପ୍ରଭାତ ରଞ୍ଜନ ସାହୁ । ଆଗକୁ ଏହି ଅଭିଯାନ ଜାରି ରହିବ ବୋଲି ଖୋର୍ଦ୍ଧା ଆଦର୍ଶ ଥାନାରେ ଆୟୋଜିତ ଏକ ଖବରଦାତା ସମ୍ମିଳନୀରେ ସଦର ଏସଡିପିଓ ଅନୀଲ ମହାନ୍ତି ସୂଚନା ଦେଇଛନ୍ତି ।

You Can Read:

ବରିଷ୍ଠ କିରାଣୀ ଶେଖରଲାଲ ସାହୁ ଗିରଫ, ଜବତ ଟଙ୍କାର ଦେଇପାରିନଥିଲେ ସଠିକ୍ ସୂଚନା