ନୂଆଦିଲ୍ଲୀ: ୟୁନାଇଟେଡ୍ ନେସନ ଏଜୁକେସନାଲ, ସାଇଣ୍ଟିଫିକ୍ ଆଣ୍ଡ କଲଚରାଲ ଅର୍ଗାନାଇଜେସନ (ୟୁନେସ୍କୋ)ରେ ପୁଣି ଥରେ ସାମିଲ୍ ହେବ ଆମେରିକା । ଏନେଇ ୟୁନେସ୍କୋ ପକ୍ଷରୁ ସୂଚନା ଦିଆଯାଇଛି। ଜାତିସଂଘର ଏହି ସଂସ୍ଥାରେ ସାମିଲ ହେବା ସହ ଆମେରିକା ଏହାର ପୂର୍ବରୁ ଥିବା ୬୦ କୋଟି ଡଲାର ବକେୟା ମଧ୍ୟ ପୈଠ କରିବ । ସୂଚନାଥାଉକି, ପାଲେଷ୍ଟାଇନକୁ ୟୁନେସ୍କୋର ସଦସ୍ୟ କରାଯିବା ପଦକ୍ଷେପକୁ ବିରୋଧ କରି ଆମେରିକା ପ୍ରାୟ ୧୦ ବର୍ଷ ପୂର୍ବେ ସଂସ୍ଥାରୁ ଅଲଗା ହୋଇଥିଲା ।
ଆମେରିକାର ସରକାରୀ ସୂତ୍ର ଅନୁସାରେ, ୟୁନେସ୍କୋରେ ଚୀନର ବଢୁଥିବା ପ୍ରଭବାକୁ ରୋକିବା ପାଇଁ ଆମେରିକା ପୁଣି ଥରେ ସଂସ୍ଥାକୁ ଫେରିବାକୁ ମନ କରିଛି । ସଂସ୍ଥାରେ ଆମେରିକାର ଅନୁପସ୍ଥିତିରେ ଚୀନ ଆର୍ଥିକ ସହଯୋଗ ଏବଂ ସମର୍ଥକ ଦେଶକଙ୍କ ବଳରେ ନିଜ ପ୍ରଭାବ ବଢ଼ାଇ ଚାଲିଛି । ଏହି କାରଣରୁ ୟୁନେସ୍କୋର ନୀତିରେ ଚୀନ୍ ହସ୍ତକ୍ଷେପ ଯୋଗୁଁ ବିପଦ ବଢ଼ିବାରେ ଲାଗିଛି । ଏହାପରେ ଗଣତାନ୍ତ୍ରିକ ଦେଶର ପରାମର୍ଶରେ ଆମେରିକା ସରକାର ୟୁନେସ୍କୋରେ ପୁଣି ଥିରେ ସାମିଲ ହେବା ପାଇଁ ନିଷ୍ପତ୍ତି ନେଇଛି ।
ଆହୁରି ପଢ଼ନ୍ତୁ: ଚୀନ୍ ଆକ୍ରମଣ ଆଶଙ୍କାରେ ତାଇୱାନରୁ ନାଗରିକଙ୍କୁ ବାହାର କରିବାକୁ ପ୍ରସ୍ତୁତି କରୁଛି ଆମେରିକା
ଉଲ୍ଲେଖଯୋଗ୍ୟ ଯେ, ୟୁନେସ୍କୋ ବର୍ତ୍ତମାନ ସମୟରେ ବିଶ୍ୱରେ କୃତିମ ବୁଦ୍ଧିମତା (ଏଆଇ) ଏବଂ ବୈଷୟିକ ଶିକ୍ଷା ପ୍ରଦାନ ଉପରେ ଏକ ନୂଆ ମାନଦଣ୍ଡ ପ୍ରସ୍ତୁତ କରୁଛି । ଆମେରିକା ସରକାରରେ ପ୍ରବନ୍ଧନ ଏବଂ ସମାଧାନ ମାମଲାର ଉପମନ୍ତ୍ରୀ ରିଚାର୍ଡ ବର୍ମା ଗତ ସପ୍ତାହରେ ୟୁନେସ୍କୋର ମହାନିର୍ଦ୍ଦେଶକ ଆଣ୍ଡ୍ରେ ଏଜୋଲେଙ୍କୁ ସଂସ୍ଥାରେ ପୁଣି ଥରେ ସାମିଲ ହେବା ଉପରେ ଏକ ସରକାରୀ ପ୍ରକ୍ରିୟା ଆରମ୍ଭ ନେଇ ଏକ ପତ୍ର ପ୍ରଦାନ କରିଥିଲେ । ଏହାପରେ ସୋମବାର ଏଜୋଲେ ସମସ୍ତ ସଦସ୍ୟ ରାଷ୍ଟ୍ରର ରାଷ୍ଟ୍ରଦୂତଙ୍କ ସ୍ୱତନ୍ତ୍ର ଅଧିବେଶନ ପାଇଁ ଶୀଘ୍ର ତାରିଖ ଘୋଷଣା କରାଯିବ ବୋଲି କହିଛନ୍ତି ।
ଆହୁରି ପଢ଼ନ୍ତୁ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଥମ ଥର ୨୧ ତୋପ ସଲାମୀ ଦେବ ଆମେରିକା, ଯିବା ଆସିବା ଖର୍ଚ୍ଚ ମଧ୍ୟ ବହନ କରିବ
