ଆଠଗଡ଼ ୨୫।୬: କନ୍ଦେଇଲାଣି ପରିବା ଝୁଡ଼ି । ହାଣ୍ଡିଶାଳର ପରିବା ଝୁଡ଼ିରୁ ପରିବା ଗାଏବ । ଯେଉଁଠାରେ ଭଳିକି ଭଳି ପରିବା ପଡ଼ି ବିଭିନ୍ନ ତରକାରୀ ହେଉଥିଲା ଏବେ ଆଉ ଦେଖିବାକୁ ମିଳୁନି । ଏଭଳି ଦୃଶ୍ୟ ଆଠଗଡ଼ ନିତିଦିନିଆ ପରିବା ବଜାରର । ଯେଉଁଠି ପରିବା ଦର ଆକାଶ ଛୁଆଁ ହୋଇଥିବାରୁ ଆଗ ଭଳି ଗହଳି ଚହଳି ଆଉ ଦେଖିବାକୁ ମିଳୁନି । ୫୦୦ ଟଙ୍କାର ପରିବା କିଣିଲେ ବ୍ୟାଗ ଅଧା ମଧ୍ୟ ହେଉନି । ଚିନ୍ତାରେ ମଧ୍ୟବିତ୍ତ ଓ ନିମ୍ନ ମଧ୍ୟବିତ୍ତ ପରିବାରର ଲୋକ । ନିରାମିଷ ଖାଉଥିବା ଲୋକଙ୍କ କଥା ତ ନକହିବା ଭଲ । ପରିବା ଦରରେ ରୋକ୍ ଲଗାନଗଲେ ଆଗକୁ ଏହା ସାଧାରଣ ଲୋକଙ୍କ ଉପରେ ପ୍ରଭାବ ପକାଇବ ବୋଲି ଖାଉଟି କହିଥିବା ବେଳେ ଦରଦାମ ବୃଦ୍ଧି ପାଇଁ ବ୍ୟବସାୟୀ ମାନଙ୍କୁ ମଧ୍ୟ ବହୁ କ୍ଷତି ସହିବାକୁ ପଡୁଛି । କାରଣ ଖାଉଟିମାନେ ଯେତିକି ପରିମାଣରେ ପରିବା କିଣୁଥିଲେ ବର୍ତ୍ତମାନ ସେତିକି ପରିମାଣରେ କିଣୁ ନାହାନ୍ତି ଯାହା ଫଳରେ ବହୁ ପନିପରିବା ପଚି ନଷ୍ଟ ହୋଇଯାଉଥିବା ବ୍ୟବସାୟୀ କହିଛନ୍ତି ।
You Can Read :
