ବୌଦ୍ଧ ୧୫/୭: ବର୍ଷାରେ ବୁଡିଲା ସରକାରୀ ହାଟପଦା । ଦୋକାନୀ ଓ ଗ୍ରାହକ ହୀନସ୍ତା । ଅସରାଏ ବର୍ଷାରେ ତାଳସରଡ଼ା ଗ୍ରାମ ପଞ୍ଚାୟତରେ ନୂଆ କରି ନିର୍ମାଣ ହୋଇଥିବା ସରକାରୀ ହାଟପଦାରେ ପାଣି ଜମିଛି । ଫଳରେ ଦୋକାନୀ ଠିକରେ ଦୋକାନ ଖୋଲିପାରୁନାହାନ୍ତି କି ଗ୍ରାହକ ଆସିପାରୁନାହାନ୍ତି । ହାଟପଦା ନିର୍ମାଣରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି । ଉପଯୁକ୍ତ ଡ୍ରେନ ନିର୍ମାଣ ନହେବା ଯୋଗୁ ଅଳ୍ପ ବର୍ଷା ହେଲେ ପାଣି ନିଷ୍କାସନ ହୋଇନପାରି ଜମି ରହୁଛି । ହାଟରେ ଟିୱେଲ ଥିଲେ ମଧ୍ୟ ପାଣି ଜମି ରହୁଥିବାରୁ ଲୋକେ ଟିୱେଲ ପାଖକୁ ଯାଇପାରୁନାହାନ୍ତି । ପୋଷ୍ଟଅଫିସ ଯାତାୟତରେ ବାଧକ ସାଜିଛି ପାଣି । ସମସ୍ୟାର ସମାଧାନ ପାଇଁ ପଞ୍ଚାୟତ ଅଧିକାରୀଙ୍କୁ ଜଣାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇନଥିବା କ୍ଷୋଭର ସହ କହିଛନ୍ତି ସ୍ଥାନୀୟ ବାସିନ୍ଦା । ଜିଲ୍ଲା ପ୍ରଶାସନ ତୁରନ୍ତ ଏଦିଗରେ ଦୃଷ୍ଟି ଦେବାକୁ ଦାବି ହୋଇଛି ।
