ନୂଆଦିଲ୍ଲୀ,୨୭/୦୨: ଭାରତୀୟ ତଟରକ୍ଷୀ ବାହିନୀରେ ମହିଳା ଅଧିକାରୀଙ୍କ ସ୍ଥାୟୀ କମିଶନ ଲାଗି ସୁପ୍ରିମକୋର୍ଟ କେନ୍ଦ୍ର ସରକାରଙ୍କ ଉପରେ ଅସନ୍ତୋଷ ଝାଡ଼ିଛନ୍ତି । ସୋମବାର ଏ ସଂକ୍ରାନ୍ତରେ ସର୍ବୋଚ୍ଚ ଅଦାଲତ ଦାୟର ଆବେଦନର ଶୁଣାଣି କରିଛନ୍ତି । ପ୍ରଧାନ ବିଚାରପତି ଜଷ୍ଟିସ୍ ଡି.ଓ୍ବାଇ ଚନ୍ଦ୍ରଚୂଡ଼ ସରକାରଙ୍କ କହିଛନ୍ତି, ‘ଆପଣ ମହିଳା ଅଧିକାରୀଙ୍କୁ ସ୍ଥାୟୀ କମିଶନ ଦିଅନ୍ତୁ ନଚେତ ଆମେ ଆଦେଶ ଜାରି କରିବୁ ।’ ଆସନ୍ତା ମାର୍ଚ୍ଚ ୧ରେ ମାମଲାର ପରବର୍ତ୍ତୀ ଶୁଣାଣି ହେବ ।
ଭାରତୀୟ କୋଷ୍ଟାଲ୍ ଗାର୍ଡ ଯୋଗ୍ୟ ମହିଳା ସର୍ଟ-ସର୍ଭିସ୍ କମିଶନ ଅଧିକାରୀଙ୍କୁ ସ୍ଥାୟୀ କମିଶନ ଦେବା ଲାଗି ଜଣେ ମହିଳା ଅଧିକାରୀଙ୍କ ପିଟିସନ ଉପରେ ସୁପ୍ରିମକୋର୍ଟ ଶୁଣାଣି କରିଛନ୍ତି । ଶୁଣାଣିବେଳେ ଆଟର୍ଣ୍ଣି ଜେନେରାଲ ଆର୍. ଭେଙ୍କଟରମଣି କହିଥିଲେ ଯେ, ନୌସେନା ଏବଂ ତଟରକ୍ଷୀ ବାହିନୀ ସମ୍ପୂର୍ଣ୍ଣ ଭିନ୍ନ । ଏହି ପ୍ରସଙ୍ଗରେ ଏକ ବୋର୍ଡ ଗଠନ କରାଯାଇଛି । ଏଥିରେ ଗଠନମୂଳକ ପରିବର୍ତ୍ତନର ଆବଶ୍ୟକତା ରହିଛି ।
wp:embed {"url":"https://www.prameyanews7.com/samajwadi-party-mla-manoj-pandey-resigns-from-post-of-chief-whip-voting-of-rajya-sabha-elections/","type":"wp-embed","providerNameSlug":"prameya-news-7"} /wp:embedସିଜେଆଇ ଡି.ୱାଇ ଚନ୍ଦ୍ରଚୂଡ଼ କହିଥିଲେ, ୨୦୨୪ରେ କାର୍ଯ୍ୟକ୍ଷମତା ଆଦି ତର୍କରେ କୌଣସି ଦମ୍ ନାହିଁ । ଏବେ ମହିଳାଙ୍କୁ ବାଦ୍ ଦେଇପାରିବେ ନାହିଁ । ଯଦି ଆପଣ ଏପରି କରିବେନି ତେବେ ଆମେ ତାଙ୍କ ପାଇଁ ସ୍ଥାୟୀ କମିଶନ ଗଠନ କରିବୁ । ଏହା ପୂର୍ବରୁ ଗତ ୨୦ ତାରିଖରେ ଏହି ମାମଲାରେ ଶୁଣାଣି ହୋଇଥିଲା । ସେତେବେଳେ କେନ୍ଦ୍ର ସରକାରଙ୍କ ଆଭିମୁଖ୍ୟ ଉପରେ ସୁପ୍ରିମକୋର୍ଟ ପ୍ରଶ୍ନ ଉଠାଇଥିଲେ । କୋଷ୍ଟଗାର୍ଡରେ ମହିଳାଙ୍କ ପ୍ରତି ସରକାର କାହିଁକି ଏତେ ଉଦାସୀନ ବୋଲି ପଚାରିଥିଲେ । ଯଦି ମହିଳାମାନେ ସୀମା ରକ୍ଷା କରିପାରୁଛନ୍ତି ତେବେ ତଟରକ୍ଷା ମଧ୍ୟ କରିପାରିବେ ବୋଲି ସର୍ବୋଚ୍ଚ ଅଦାଲତ କହିଥିଲେ ।