ପୁରୀ୨୩/୧୧:ଶ୍ରୀମନ୍ଦିର ସୁରକ୍ଷାକୁ ନେଇ ବିରାଟ ପ୍ରଶ୍ନ ।ପରିକ୍ରମା ମାର୍ଗରେ ବୁଲିଲା ବନ୍ଧୁକ ।କଣ କରୁଥିଲେ ଦାୟିତ୍ବରେ ଥିବା କର୍ମଚାରୀ ? କେମିତି ଜାଣିପାରିଲେନି ?ପୁଣି ପଦାରେ ପଡିଲା ଶ୍ରୀମନ୍ଦିର ଢିଲା ସୁରକ୍ଷା ବ୍ୟବସ୍ଥା । ଶ୍ରୀମନ୍ଦିର ପରିକ୍ରମା ମାର୍ଗରେ ବୁଲିଲା ବନ୍ଧୁକ ।ଯାହାର ଫଟୋ ଭାଇରାଲ ହୋଇଛି । ଫଟୋରୁ ସ୍ପଷ୍ଟ ଜଣାପଡୁଛି ସାଦା ପୋଷାକ ଓ ଚପଲ ପିନ୍ଧି କିଛି ବ୍ୟକ୍ତି ଶ୍ରୀମନ୍ଦିର ପଶ୍ଚିମ ଦ୍ବାର ପରିକ୍ରମା ମାର୍ଗରେ ବୁଲୁଛନ୍ତି । ଜଣେ ବ୍ୟକ୍ତିଙ୍କ ହାତରେ ବନ୍ଧୁକ ଥିବା ଦେଖିବାକୁ ମିଳିଛି। ତେବେ ଏହି ବ୍ୟକ୍ତି ମାନେ କିଏ ଏବଂ ଖୁଲମଖୁଲା ଏଭଳି ବନ୍ଧୁକ ଧରି ବୁଲିବାର କାରଣ କ'ଣ ।
ଶ୍ରୀମନ୍ଦିରର ସୁରକ୍ଷା ପାଇଁ ଶ୍ରୀମନ୍ଦିର ଚାରିପଟେ ମାଳ ମାଳ ସୁରକ୍ଷାକର୍ମୀ ନିଯୋଜିତ ଅଛନ୍ତି । ତଥାପି କେମିତି ବନ୍ଧୁକଧାରୀ ବ୍ୟକ୍ତି ବୁଲୁଛନ୍ତି ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ସାଗର କବଚ ଅଭିଯାନର ଅଂଶ ବିଶେଷ ହୋଇପାରେ ବୋଲି କିଛି ପୋଲିସ କର୍ମଚାରୀଙ୍କ ଚର୍ଚ୍ଚା କରୁଛନ୍ତି । ହେଲେ କାହା ପାଖରେ ସଠିକ ଖବର ନାହିଁ । ଶ୍ରୀମନ୍ଦିରରେ ବାରମ୍ବାର ଅଘଟଣ ଘଟୁଥିଲେ ମଧ୍ୟ ଶ୍ରୀମନ୍ଦିର ପ୍ରଶାସନ ଚେତୁନଥିବା ଅଭିଯୋଗ ହୋଇଛି । ତୁରନ୍ତ ବନ୍ଧୁକ ଧାରୀ ବ୍ୟକ୍ତି ଓ ତାଙ୍କ ସହଯୋଗୀମାନେ କିଏ ପୋଲିସ ତୁରନ୍ତ ଅନୁଧ୍ୟାନ କରି କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।
