ୱାସିଂଟନ ୧୩।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୧ରୁ ୨୩ ଜୁନ ପର୍ଯ୍ୟନ୍ତ ଆମେରିକା ଗସ୍ତରେ ଯିବେ। ପ୍ରଧାନମନ୍ତ୍ରୀଙ୍କ ଏହି ଗସ୍ତକୁ ଖାସ୍ ବୋଲି କୁହାଯଉଛି। କାରଣ ମୋଦିଙ୍କୁ ଆମେରିକା ରାଷ୍ଟ୍ରପତି ଭବନ ହ୍ୱାଇଟ୍ ହାଉସ୍ରେ ୨୧ ତୋପ ସଲାମୀ ଦିଆଯିବ। ଏହା ଛଡା ରାଷ୍ଟ୍ରପତି ଜୋ ବାଇଡେନ ଓ ଫାଷ୍ଟ ଲେଡି ଡା.ଜିଲ ବାଇଡେନଙ୍କ ପକ୍ଷରୁ ପ୍ରଧାନମନ୍ତ୍ରୀ ମୋଦିଙ୍କ ସମ୍ମାନରେ ଏକ ରାଜକୀୟ ଭୋଜ ଆୟୋଜନ ହେବ। ଏହା ଛଡା ମୋଦି ଆମେରିକା କଂଗ୍ରେସକୁ ମଧ୍ୟ ସମ୍ବୋଧିତ କରିବାର କାର୍ଯ୍ୟକ୍ରମ ମଧ୍ୟ ରହିଛି।
ଚୀନ୍ ଆକ୍ରମଣ ଆଶଙ୍କାରେ ତାଇୱାନରୁ ନାଗରିକଙ୍କୁ ବାହାର କରିବାକୁ ପ୍ରସ୍ତୁତି କରୁଛି ଆମେରିକା
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୧୪ରୁ ଏପର୍ଯ୍ୟନ୍ତ ୭ ଥର ଆମେରିକା ଗସ୍ତ କଲେଣି। ତେବେ ମୋଦି ପ୍ରଥମ ଥର ଆମେରିକା ନିମନ୍ତ୍ରଣରେ ରାଜକୀୟ ଗସ୍ତରେ ଯାଉଛନ୍ତି। ଏହି ଯାତ୍ରା ପାଇଁ ଖୋଦ ଆମେରିକା ରାଷ୍ଟ୍ରପତି ଜୋ ବାଇଡେନ ମୋଦିଙ୍କୁ ଆମନ୍ତ୍ରିତ କରିଛନ୍ତି। ଏହା ପୂର୍ବରୁ ମୋଦି ଦ୍ୱିପାକ୍ଷୀୟ ସମ୍ପର୍କ ମଜଭୁତ କରିବା ପାଇ କେବେ ଯାଇଛନ୍ତି ତ ଆଉ କେବେ ଶିଖର ସମ୍ମିଳନୀରେ ଯୋଗ ଦେବାକୁ ଆମେରିକା ଯାଇଛନ୍ତି। ତେବେ ଆମେରିକା ନିମନ୍ତ୍ରଣରେ ପ୍ରଧାନମନ୍ତ୍ରୀଙ୍କ ଏହା ପ୍ରଥମ ରାଜକୀୟ ଗସ୍ତ ବୋଲି କୁହାଯାଉଛି। ତେବେ ଆସନ୍ତୁ ଜାଣିବା ରାଜକୀୟ ଗସ୍ତ କ’ଣ?
{"id":802880,"sizeSlug":"full","linkDestination":"none"}ଯେତେବେଳେ କୌଣସି ଦେଶର ମୁଖ୍ୟ ଅନ୍ୟ ଦେଶର ମୁଖ୍ୟଙ୍କୁ ନିଜ ଦେଶକୁ ଆସିବା ପାଇଁ ଔପଚାରିକ ନିମନ୍ତ୍ରଣ କରନ୍ତି ସେତେବେଳେ ଏହାକୁ ରାଜକୀୟ ଗସ୍ତ କୁହାଯାଏ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରସ୍ତାବିତ ଯାତ୍ରା ଲାଗି ଆମେରିକା ରାଷ୍ଟ୍ରପତି ଜୋ ବାଇଡେନ ଓ ଫାଷ୍ଟ ଲେଡି ଡା.ଜିଲ ବାଇଡେନ ଅଧିକାରୀକ ଆମନ୍ତ୍ରଣ କରିଛନ୍ତି। ଆମେରିକାକୁ ରାଜକୀୟ ଯାତ୍ରା ନିମନ୍ତ୍ରଣ କେବଳ ଖାସ ସହଯୋଗୀ ବା ନିକଟତମ ବନ୍ଧୁଙ୍କୁ ମିଳିଥାଏ।
WTC Final : ଜାଣନ୍ତୁ କେଉଁ ଦଳକୁ ମିଳିଲା କେତେ ଟଙ୍କା ?
ଆମେରିକା ଯେବେ କୌଣସି ରାଷ୍ଟ୍ରର ମୁଖ୍ୟଙ୍କୁ ଆମନ୍ତ୍ରଣ କରେ ଏଥି ଲାଗି ୬ ମାସ ପୂର୍ବରୁ ପ୍ରସ୍ତୁତି କରିଥାଏ। ତେବେ ଏପରି କାର୍ଯ୍ୟକ୍ରମର ଖାସ କଥା ହେଉଛି ଆମେରିକୀୟ ରାଷ୍ଟ୍ରପତି ତାଙ୍କ କାର୍ଯ୍ୟକାଳରେ କୌଣସି ଦେଶର ମୁଖ୍ୟଙ୍କୁ ମାତ୍ର ଥରଟିଏ ରାଜକୀୟ ଯାତ୍ରା ନିମନ୍ତେ ଆମନ୍ତ୍ରଣ କରିପାରନ୍ତି। ଏପରି ଯାତ୍ରାରେ ଅତିଥିଙ୍କୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଏ। ଏଥିରେ ପୁରା ଯାତ୍ରାର ସମସ୍ତ ଖର୍ଚ୍ଚ ନିମନ୍ତ୍ରଣକାରୀ ଦେଶ ବହନ କରିଥାଏ।
{"id":802881,"sizeSlug":"full","linkDestination":"none"}ଗସ୍ତ କାର୍ଯ୍ୟକ୍ରମରେ ପ୍ରଧାମନ୍ତ୍ରୀ ମୋଦି ୨୧ ଜୁନ ଅପରାହ୍ନରେ ଆମେରିକା ପହଞ୍ଚିବେ। ସେଠାରେ ବିମାନ ବନ୍ଦରରେ ମୋଦିଙ୍କ ଭବ୍ୟ ସ୍ୱାଗତ ହେବ। ସେ ଜୁନ ୨୨ ତାରିଖ ଦିନ ହ୍ୱାଇଟ୍ ହାଉସ୍ ଯିବେ। ସେଠାରେ ତାଙ୍କୁ ୨୧ ତୋପ ସଲାମୀ ଦିଆଯିବ। ଏହା ଛଡା ଅନେକ ସ୍ୱାଗତ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେବ। ସେଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଆମେରିକା ରାଷ୍ଟ୍ରପତିଙ୍କ ମଧ୍ୟରେ ଔପଚାରିକ ଆଲୋଚନା ମଧ୍ୟ ହେବ। ଅପରାହ୍ନରେ ହ୍ୱାଇଟ୍ ହାଉସ୍ ରେ ରାଜକୀୟ ଭୋଜ ଆୟୋଜନ ହେବ। ଏହି ଅବସରରେ ଦୁଇ ଦେଶ ନେତାଙ୍କ ମଧ୍ୟରେ ରାଜକୀୟ ଉପହାରର ଆଦାନ ପ୍ରଦାନ ମଧ୍ୟ ହେବ।
ରାଜଧାନୀ ଦିଲ୍ଲୀରେ ଶକ୍ତ ଭୂମିକମ୍ପ ଝଟକା; ରିକ୍ଟର ସ୍କେଲରେ ତିବ୍ରତା ୫.୪
ଭାରତକୁ ୩ ଥର ମିଳିଛି ଆମେରିକାର ନିମନ୍ତ୍ରଣ
ତେବେ ଆମେରିକା ଆମନ୍ତ୍ରଣରେ ଭାରତୀୟ ନେତାଙ୍କ ରାଜକୀୟ ଯାତ୍ରାର ଏହା ପ୍ରଥମ ଘଟଣା ନୁହେଁ । ଏହା ପୂର୍ବରୁ ଭାରତକୁ ଆଉ ୨ ଥର ରାଜକୀୟ ଯାତ୍ରା ନିମନ୍ତ୍ରଣ ମିଳିଥିଲା। ଏଥିରେ ୨୦୦୯ ମସିହାରେ ତତ୍କାଳୀ ପ୍ରଧାନମନ୍ତ୍ରୀ ଡା. ମନମୋହନ ସିଂହ ଆମେରିକା ନିମନ୍ତ୍ରଣରେ ରାଜକୀୟ ଗସ୍ତ କରିଥିବା ବେଳେ ଏହା ପୂର୍ବରୁ ୧୯୬୩ ମସିହାରେ ତତ୍କାଳୀନ ଭାରତୀୟ ରାଷ୍ଟ୍ରପତି ସାର୍ବପଲ୍ଲୀ ରାଧାକୃଷ୍ଣ ଆମେରିକାକୁ ପ୍ରଥମ ରାଜକୀୟ ଯାତ୍ରାରେ ଯାଇଥିଲେ। ସେତେବେଳେ ଆମେରିକା ରାଷ୍ଟ୍ରପତି ଜନ ଏଫ. କେନେଡି ଭାରତୀୟ ରାଷ୍ଟ୍ରପତିଙ୍କୁ ରାଜକୀୟ ଯାତ୍ରାରେ ଆମନ୍ତ୍ରଣ କରିଥିଲେ।