ନୂଆଦିଲ୍ଲୀ: ଦେଶର ଖରିଫ ଧାନ ଅମଳ ଗତ ବର୍ଷଠାରୁ ଅଧିକ ହେବା ଅନେଇ ଆଶା ରହିଛି । କେନ୍ଦ୍ର କୃଷି ମନ୍ତ୍ରୀ ଶିବରାଜ ସିଂ ଗୁରୁବାର ଏହା କହିଛନ୍ତି । ପ୍ରବଳ ବର୍ଷା ଯୋଗୁଁ ଫସଲ ହାନି ସତ୍ତ୍ୱେ ଅଧିକ ଅମଳ ନେଇ ସେ ଆଶା ବ୍ୟକ୍ତ କରିଛନ୍ତି । କେନ୍ଦ୍ରମନ୍ତ୍ରୀ କହିଛନ୍ତି ଯେ ଭଲ ବର୍ଷା ଯୋଗୁଁ ଧାନ ଚାଷ ଭଲ ରହିଛି । ଆନ୍ଧ୍ର ପ୍ରଦେଶ ଏବଂ ତେଲଙ୍ଗାନାର କିଛି ସ୍ଥାନରେ ପ୍ରବଳ ବର୍ଷା ଯୋଗୁଁ କ୍ଷତି ପହଞ୍ଚିଛି, ଏହା ସତ୍ତ୍ୱେ ବି ଉତ୍ପାଦନ ହ୍ରାସ ପାଇବ ନାହିଁ । ମୋଟ ଉପରେ ଧାନ ଉତ୍ପାଦନ ଚଳିତ ବର୍ଷ ଭଲ ରହିବ ।

ଖବର ଅନୁସାରେ, ନଭେମ୍ୱରରେ ଅମଳ ହେଉଥିବା ଖରିଫ ଧାନ ଭାରତରେ ମୋଟ ଧାନ ଉତ୍ପାଦନର ପ୍ରାୟ ୭୦ ପ୍ରତିଶତ ଅଟେ । ସରକାରଙ୍କ ତୃତୀୟ ଅନୁମାନ ଅନୁସାରେ, ୨୦୨୩-୨୪ ଫସଲ ବର୍ଷ (ଜୁଲାଇ-ଜୁନ୍)ରେ ଖରିଫ ଧାନ ଉତ୍ପାଦନ ୧୧୪.୩୬ ମିଲିୟନ୍ ଟନ୍ ରହିଛି । କେନ୍ଦ୍ରମନ୍ତ୍ରୀ କହିଛନ୍ତି ଯେ ଗତ ସପ୍ତାହ ଯାଏ ଧାନ ରୋଇବା ୧.୬୪ ମିଲିୟନ ହେକ୍ଟର ଥିଲା, ଯାହା ବଢି ଏବେ ୪୧ ମିଲିୟନ ହେକ୍ଟରରେ ହୋଇଛି ।

समय पर किसानों को सस्ता फर्टिलाइजर मिल जाए यह हमारी सरकार की प्राथमिकता है।

केंद्र सरकार ने पिछले वर्ष 1.94 लाख करोड़ रुपये की सब्सिडी फर्टिलाइजर में दी है। pic.twitter.com/8SEWK1b4wH

— Shivraj Singh Chouhan (@ChouhanShivraj) September 19, 2024

କେନ୍ଦ୍ରମନ୍ତ୍ରୀ ସୋଆବିନ ପରି ତୈଳ ଜାତୀୟ ଫସଲକୁ କ୍ଷତି ସତ୍ତ୍ୱେ ସାମଗ୍ରିକ ଖରିଫ ଫସଲ ଉତ୍ପାଦନ ଭଲ ରହିବ ବୋଲି ଆଶା ବ୍ୟକ୍ତ କରିଛନ୍ତି । ସରକାର କିଛି ଦିନ ପୂର୍ବେ ବାସୁମତି ଚାଉଳ ରପ୍ତାନୀ ଉପରେ ୯୫୦ ଡଲାର ପ୍ରତି ଟନ୍ ସର୍ବନିମ୍ନ ରପ୍ତାନୀ ମୂଲ୍ୟ (ଏମଇପି)କୁ ହରାଇ ଦେଇଥିଲେ । ସରକାର କହିଥିଲେ ଯେ ଏହି ପଦକ୍ଷେପ ଦ୍ୱାରା ରପ୍ତାନୀ ବଢିବ ଏବଂ ଚାଷୀଙ୍କ ଆୟ ମଧ୍ୟ ବଢିବ ।