କଟକ ୨୦।୧୧: ବାଲିଯାତ୍ରାରେ ଦେଖିବାକୁ ମିଳିଥିଲା ବଲିଉଡ ସିଙ୍ଗର ସୋନୁ ନିଗମଙ୍କ କ୍ରେଜ୍ । ମଙ୍ଗଳବାର ସନ୍ଧ୍ୟାରେ ଦର୍ଶକଙ୍କୁ ବାନ୍ଧି ରଖିଥିଲା ସୋନୁ ନିଗମ ନାଇଟ୍ । ଲାଗୁଥିଲା ଯେମିତି ଝୁମିଥିଲା କଟକ ଐତିହାସିକ ବାଲିଯାତ୍ରା ପଡିଆ । ଉଭୟ ହିନ୍ଦୀ ଏବଂ ଓଡ଼ିଆ ସଂଗୀତ ପରିବେଷଣ କରି ସୋନୁ ସମସ୍ତଙ୍କ ମନ ଜିଣିଥିଲେ । ଖାସ୍ କଥା ହେଲା, ଜଗନ୍ନାଥ ଭଜନ ଗାଇଲା ବେଳେ ପାଦରୁ ଜୋତା ଓହ୍ଲାଇ, ବେଶ ଶ୍ରଦ୍ଧାର ସହ ମହାପ୍ରଭୁଙ୍କୁ ସ୍ମରଣ କରିଥିଲେ ସୋନୁ ।
ମଙ୍ଗଳବାର ବାଲିଯାତ୍ରା ପଡ଼ିଆରେ ଥିଲା ଜବରଦସ୍ତ ଭିଡ଼ । ତା ଭିତରେ ଗଣକବି ବୈଷ୍ଣବ ପାଣି ମଞ୍ଚରୁ ଭାଷି ଆସୁଥିଲା ବଲିଉଡ ସିଙ୍ଗର ସୋନୁ ନିଗମଙ୍କ ସଂଗୀତ । ସୋନୁ ନିଗମଙ୍କ ଗୀତରେ ଦୁଲୁକିଥିଲା କଟକ ଐତିହାସିକ ବାଲିଯାତ୍ରା ପଡିଆ । ବାଲିଯାତ୍ରାର ପଞ୍ଚମ ଦିନରେ ସୋନୁ ନିଗମଙ୍କ ସଙ୍ଗୀତ ପରିବେଷଣ ଦେଖିବା ଲାଗି ଲକ୍ଷ ଲକ୍ଷ ଦର୍ଶକଙ୍କ ଭିଡ଼ ଦେଖିବାକୁ ମିଳିଥିଲା ।
ସୋନୁ ନିଗମଙ୍କ ଗୀତରେ ମଜି ଯାଇଥିଲେ ଦର୍ଶକ । ନିଜ ନିଜ ମୋବାଇଲରେ ସୋନୁଙ୍କ ଗୀତକୁ ରେକର୍ଡ କରି ଐତିହାସିକ ବାଲିଯାତ୍ରାର ସ୍ମୃତିକୁ ସାଉଁଟୁ ଥିଲେ । ସୋନୁ ନିଗମ ଗଣକବି ବୈଷ୍ଣବ ପାଣିଙ୍କ ମଞ୍ଚରେ ଗୋଟିଏ ପରେ ଗୋଟିଏ ହିଟ୍ ଗୀତ ପରିବେଷଣ କରି ଚାଲିଥିଲେ ।
ସୋନୁ ନିଗମଙ୍କ ଇଏ ଦିଲ ଦିୱାନା, ମେରି ସପନୋ କି ରାଣୀ କବ ଆଏଗି ତୁ, ଓ ମେରେ ଦିଲ କେ ଚେନ, ଜିନେ କେ ହେ ଚାର ଦିନ, ଅଲ ଇଜ ୱଏଲ ଗୀତରେ ଉଠିଥିଲା ପଡିଥିଲା ବାଲିଯାତ୍ରା ପଡିଆ । ସୁପର ହିଟ ଓଡ଼ିଆ ଗୀତ ତୋ ଆଖି ମୋ ଆଇନା, ପୁଚୁକି ଗାଲି ଫେସନ ବାଲି ଏବଂ ଏକାଧିକ ଓଡ଼ିଆ ସିନେମା ଗୀତ ଗାଈ ସୋନୁ ଦର୍ଶକ ମାନଙ୍କୁ ଯେମିତି ବାନ୍ଧି ରଖିଥିଲେ । ସେପଟେ ଘୋର ଅବ୍ୟବସ୍ଥା କାରଣରୁ ହଜାର ହଜାର ଲୋକ ବାଲିଯାତ୍ରାକୁ ଉପଭୋଗ କରିବାରୁ ବଞ୍ଚିତ ହୋଇଛନ୍ତି ।
You Can Read:
ଆସନ୍ତା ୨୪ରେ ଆସିବେ କେନ୍ଦ୍ରୀୟ ଟିମ୍, ‘ଦାନା’ କ୍ଷୟକ୍ଷତିର କରିବେ ଆକଳନ : ରାଜସ୍ବ ମନ୍ତ୍ରୀ
