ଭୁବନେଶ୍ବର ୨୨।୮: ବର୍ଷାରେ ବୁଡିଲା କାର୍ । ଭୁବନେଶ୍ୱର ଇସ୍କନ ମନ୍ଦିର ସମ୍ମୁଖରେ ବର୍ଷା ଯୋଗୁଁ ଯାତାୟତ ବାଧାପ୍ରାପ୍ତ ହୋଇଛି । କିଛି ସମୟର ବର୍ଷା ଯୋଗୁଁ ଗାଡି ମୋଟର ଚଳାଚଳ ବାଧାପ୍ରାପ୍ତ ହୋଇଥିଲା ।
ରାସ୍ତା ଉପରେ ପାଣି ଜମି ରହିବା ଯୋଗୁଁ ଗୋଟିଏ ଅଟୋ ଓ ଏକ କାର୍ରେ ଯାଉଥିବା ଏକ ପରିବାର ପାଣି ଭିତରେ ରହି ଯାଇଥିଲେ । ବର୍ଷା ପାଣିରେ କାର୍ ବୁଡିଯିବା ଯୋଗୁ କାର୍ ଖରାପ ହୋଇଯିବା ସହ ଷ୍ଟାର୍ଟ ବି ବନ୍ଦ ହୋଇଯାଇଥିଲା । ଫଳରେ ପାଣି ଭିତରେ କିଛି ସମୟ ଫସି ରହି ଯାଇଥିଲେ । ସେପଟେ ବହୁ ସ୍କୁଲ ଛାତ୍ରଛାତ୍ରୀ ଓ ସାଧାରଣ ଲୋକ ଅସୁବିଧାର ସମ୍ମୁଖୀନ ହୋଇଛନ୍ତି । ଅସରାଏ ବର୍ଷାରେ ଇସ୍କନ ସମ୍ମୁଖରେ ଜମିବା ଘଟଣାକୁ ନେଇ ନିନ୍ଦା କରିଛନ୍ତି ରାଜଧାନୀବାସୀ । ଡ୍ରେନେଜ ବ୍ୟବସ୍ଥା ସହ ଅସୁବିଧାକୁ ନେଇ ଅସନ୍ତୋଷ ଜାହିର କରିଛନ୍ତି ସ୍ଥାନୀୟ ଲୋକ । ସବୁବେଳେ ଏହି ସ୍ଥାନରେ ପାଣି ଜମିଲେ ବି ସ୍ଥାୟୀ ସମାଧାନ ବାହାରି ପାରୁନି । କିଛି ସ୍ଥାନୀୟ ଯୁବକ ଗାଡିକୁ ଠେଲି ଠେଲି ରାସ୍ତା କଡ଼କୁ ନେଇଥିଲେ ।
You Can Read:
ରେଞ୍ଜରଙ୍କ ଟଏଲେଟ୍ ଫ୍ଲସ୍ରୁ ମିଳିଲା ବିଡ଼ା ବିଡା ଟଙ୍କା, କାର୍ ଡୋର୍ରୁ ୪ ଲକ୍ଷର ବିଡ଼ା
