ଭୁବନେଶ୍ୱର ୧୨।୦୯ : ମାଲକାନଗିରି ଯିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ମୁଖ୍ୟମନ୍ତ୍ରୀଙ୍କ ସହିତ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ମଧ୍ୟ ମାଲକାନଗିରି ଯିବାର କାର୍ଯ୍ୟକ୍ରମ ରହିଛି । ତେବେ ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ମାଲକାନଗିରିରେ ସୁରକ୍ଷା ବ୍ୟବସ୍ଥାକୁ କଡ଼ାକଡି କରାଯାଇଛି ।
ଖବର ଅନୁଯାୟୀ, ଲଘୁଚାପ ଜନିତ ଲଗାଣ ବର୍ଷାରେ ମାଲକାନଗିରିରେ ବନ୍ୟା ପରିସ୍ଥିତି ସୃଷ୍ଟ ହୋଇଥିଲା । ଆଉ ଏବେ ଧୀରେ ଧୀରେ ସ୍ଥିତିରେ ସୁଧାର ଆସୁଛି । ତେବେ ଜିଲ୍ଲାରେ କିଭଳି ବନ୍ୟା ସ୍ଥିତିର ମୁକାବିଲା କରାଯାଉଛି । ତାହାର ସମୀକ୍ଷା କରିବାକୁ ଗୁରୁବାର ଦିନ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମାଲକାନଗିରି ଗସ୍ତ କରିବେ । ଭୁବନେଶ୍ୱରରୁ ହେଲିକପ୍ଟର ଯୋଗ ବାହାରି ମାଲକାନଗିରି ଅଭିମୁଖେ ଗସ୍ତ କରିବେ । ସେଠାରେ ଅପରାହ୍ନ ୩ଟା ବେଳେ ବନ୍ୟା ସ୍ଥିତିର ସମୀକ୍ଷା କରି ଭୁବନେଶ୍ୱର ଫେରିଆସିବେ ମୁଖ୍ୟମନ୍ତ୍ରୀ ।
ସେହିପରି ଏହାପୂର୍ବରୁ ମାଲକାନଗିରିର ବନ୍ୟା ସ୍ଥିତିର ତଦାରଖ ଲାଗି ରାଜ୍ୟ ସରକାର ଦୁଇ ଜଣ ବରିଷ୍ଠ ଅଧିକାରୀଙ୍କୁ ଦାୟିତ୍ୱ ଦେଇଥିଲେ । ଉଭୟ ଲଗାତର ଭାବେ ବନ୍ୟା ସ୍ଥିତି ସମୀକ୍ଷା କରୁଥିଲେ । ଏହାବାଦ୍ ଏସ୍ଆର୍ସି ଏବଂ ରାଜସ୍ୱ ମନ୍ତ୍ରୀ ମଧ୍ୟ ବନ୍ୟା ସ୍ଥିତିର ତଦାରଖ କରୁଥିଲେ ।