କଟକ ୧୨।୧: ବିରିଡି ଅଞ୍ଚଳରେ ବାଲିଘାଟ ନିଲାମ ନେଇଥିବା ବ୍ୟକ୍ତିଙ୍କ ପରିବାରକୁ ବାଲିଘାଟ ଛାଡି ଦେବା ପାଇଁ କିଛି ଅସାମାଜିକ ବ୍ୟକ୍ତି ଧମକ ଚମକ ଦେଉଥିବା କଟକ ସଦର ଥାନାରେ ଅଭିଯୋଗ ହୋଇଛି । କଟକ ସଦର ଥାନା ଅନ୍ତର୍ଗତ କାଜିପାଟଣା ଅଞ୍ଚଳର ପ୍ରଭାସ ମହାନ୍ତି ଏ ନେଇ ସଦର ଥାନାରେ ଏତଲା ଦେଇଛନ୍ତି । ତେବେ ଥାନା କର୍ତ୍ତୃପକ୍ଷ କୌଣସି ପଦକ୍ଷେପ ନନେଵାରୁ ପ୍ରଭାସ କଟକ ଡିସିପିଙ୍କୁ ଭେଟି ଏ ସମ୍ପର୍କରେ ଅଵଗତ କରାଇଛନ୍ତି । ଅଭିଯୁକ୍ତ ମାନେ ବାଲିଘାଟ ଛାଡି ଦେବା ପାଇଁ ପ୍ରଭାସ ଓ ତାଙ୍କ ଭାଇଙ୍କ ଉପରେ ଚାପ ପକାଇବା ସହ ଫୋନ୍ ଯୋଗେ ଧମକ ଚମକ ଦେଉଥିବା ଅଭିଯୋଗ ହୋଇଛି । ଅଭିଯୁକ୍ତ ମାନେ କୁଆଖାଇ ନଦୀ ପୋଲର ତେନ୍ତୁଳିନାଳି ନିକଟରେ ପ୍ରଭାସଙ୍କ ଗାଡି ଅଟକାଇ ବନ୍ଧୁକ ମୁନରେ ତାଙ୍କୁ ଧମକାଇ ବାଲିଘାଟ ଛାଡିଦେବା ପାଇଁ ଚେତାବନୀ ଦେଇଥିବା ଥାନାରେ ଅଭିଯୋଗ ହୋଇଛି । ଧମକ ଚମକ ସମ୍ପର୍କିତ ଅଡିଓ ଗୁଡିକୁ ମଧ୍ୟ ପ୍ରଭାସ ପୋଲିସକୁ ଦେଇଛନ୍ତି ।

You Can Read:

ସ୍ୱାମୀ ବିବେକାନନ୍ଦ ଭାରତର ଯୁବ ସମାଜକୁ ନିଜର ଅସ୍ମିତା ଉପରେ ଗର୍ବ କରିବାକୁ ଶିଖାଇଥିଲେ : ମୁଖ୍ୟମନ୍ତ୍ରୀ