ଜୟପୁର ୧୯।୭: ସପ୍ତଦଶ ବିଧାନସଭାର ପ୍ରଥମ ଅଧିବେଶନ ଆସନ୍ତା ୨୨ ତାରିଖରୁ ଆରମ୍ଭ ହେବ । ତେବେ ଏହି ଅଧିବେଶନରେ ପଡୋଶୀ ରାଜ୍ୟ ଗୁଡିକ ସହ ଦୀର୍ଘ ବର୍ଷ ହେବ ଲାଗି ରହିଥିବା ବିବାଦ ସମାଧାନ ପାଇଁ ଦାବି କରିବ କଂଗ୍ରେସ । ମହାନଦୀ ହେଉକି କୋଟିଆ ଅବା ପୋଲାଭରମ । ଏସବୁ ବିବାଦର ତୁରନ୍ତ ସମାଧାନ ହେବା ଦରକାର । ଏବେ ଛତିଶଗଡ଼ ସମେତ ଓଡିଶାରେ ବିଜେପି ସରକାର ଥିବା ବେଳେ ଆନ୍ଧ୍ର ଓ କେନ୍ଦ୍ରରେ ଏନଡିଏ ସରକାର ରହିଛି । ତେଣୁ ବିଜେପି ସବୁ ବେଳେ ଡବଲ ଇଞ୍ଜିନ ସରକାର କହୁଥିବା ବେଳେ ସେମାନଙ୍କ ପାଖରେ ଟ୍ରିପଲ ଇଞ୍ଜିନ ସରକାର ରହିଛି । ତେଣୁ ପ୍ରଧାନମନ୍ତ୍ରୀଙ୍କୁ ଭେଟିବା ପାଇଁ ସର୍ବଦଳୀୟ କମିଟି ଗଠନ ହେଉ ଓ ସମୟ ମଗାଯାଉ ବୋଲି କଂଗ୍ରେସ ଦାବି କରିବ ବୋଲି କହିଛନ୍ତି ଜୟପୁର ବିଧାୟକ ତାରା ପ୍ରସାଦ ବାହିନୀପତି । ସେମିତି ବେକାରୀ ଓ ଦାଦନ ସମସ୍ୟା ପ୍ରସଙ୍ଗ ମଧ୍ୟ ଆସନ୍ତା ବିଧାନସଭା ଅଧିବେଶନରେ ଉଠିବ ବୋଲି ତାରା କହିଛନ୍ତି ।
You Can Read:
ଦରମା ବିଲ୍ରେ ଦସ୍ତଖତ କରିବାକୁ ନେଉଥିଲେ ଲାଞ୍ଚ, ଭିଜିଲାନ୍ସ ହାତରେ ଧରାପଡିଲେ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ
