ଆଠଗଡ଼ ୧୬।୧୨ : କଟକ ପ୍ଲାଇଁ ସ୍କ୍ୱାର୍ଡ ଏବଂ ଆଠଗଡ଼ ଅବକାରୀ ବିଭାଗ ପକ୍ଷରୁ ମିଳିତ ଭାବେ ଚଢାଉ । ବିପୁଳ ପରିମାଣରେ ଚୋରା ଦେଶୀ ମଦ ଓ ପୋଚ ଜବତ ହୋଇଛି । ହେଲେ ଅଭିଯୁକ୍ତଙ୍କୁ ଗିରଫ କରିବାରେ ବିଫଳ ହୋଇଛି ଟିମ୍ ।
ଖବର ଅନୁଯାୟୀ, କଟକ ଜିଲ୍ଲା ଖୁଣ୍ଟୁଣୀ ଥାନା ଡାଳୁଆ ଓ ଖଣ୍ଡୁଆଳି ଗାଁର ଚାରିପଟେ ଥିବା ଜଙ୍ଗଲରେ ଚୋରାରେ ଦେଶୀ ମଦ ପ୍ରସ୍ତୁତ ହେଉଥିଲା । ଏନେଇ ଖବର ପାଇବା ପରେ ଏକାସାଙ୍ଗ କଟକ ପ୍ଲାଇଁ ସ୍କ୍ୱାର୍ଡ ଏବଂ ଆଠଗଡ଼ ଅବକାରୀ ବିଭାଗ ପକ୍ଷରୁ ମିଳିତ ଭାବେ ଚଢାଉ ହୋଇଥିଲା । ଏହି ଚଢାଉରେ ୧୧୭୬୦ ଲିଟର ପୋଚ ସହିତ ୧୭୫୦ ଲିଟର ଦେଶୀ ମଦ ଜବତ ହୋଇଥିଲା । ଏହାପରେ ସମସ୍ତ ଜବତ ସାମଗ୍ରୀକୁ ନଷ୍ଟ କରାଯାଇଛି ।ଚଢାଉ ସମୟରେ ଅଭଯୁକ୍ତଙ୍କୁ ଗିରଫ କରିବାରେ ବିଫଳ ହୋଇଛି । ଏହି ଚଢାଉରେ ୧୦ରୁ ଅଧିକ କର୍ମଚାରୀ ସାମିଲ ଥିଲେ ।
