ଝାରସୁଗୁଡା ୧୧।୭: ଜାତୀୟ ରାଜପଥ କଡରେ ପାର୍କିଂ କରୁଥିବା ଭାରିଯାନ ବିରୋଧରେ କଡା କାର୍ଯ୍ୟାନୁଷ୍ଠାନ ପାଇଁ ଜିଲ୍ଲାପାଳଙ୍କ ନିର୍ଦ୍ଦେଶ ପରେ ତତ୍ପରତା ଦେଖାଇଛି ପରିବହନ ବିଭାଗ ଓ ପୋଲିସ । ଝାରସୁଗୁଡା ଜିଲ୍ଲା ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥ ଓ ବିଜୁ ଏକ୍ସପ୍ରେସ୍ ୱେ କଡରେ ବେଆଇନ ପାର୍କିଂ କରି ସାଧାରଣ ଲୋକଙ୍କୁ ଅସୁବିଧାରେ ପକାଇବା ସହ ଦୁର୍ଘଟଣାକୁ ନିମନ୍ତ୍ରଣ କରୁଛନ୍ତି ଭାରିଯାନ । ଲଗାତାର ଭାବେ ବିଭିନ୍ନ ଶିଳ୍ପ ସଂସ୍ଥା, ଖଣି କର୍ତ୍ତୃପକ୍ଷ, ଟ୍ରକ ମାଲିକ ସଙ୍ଘକୁ ଚେତାଇବା ପରେ ମଧ୍ୟ ରାସ୍ତା କଡରେ ପାର୍କିଂ ଜାରି ରହିଛି । ଏହା ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଜିଲ୍ଲାପାଳ ନିର୍ଦ୍ଦେଶ ଦେବା ପରେ ବୁଧବାର ରାତିରେ ବଡମାଲ ପୋଲିସ ଓ ପରିବହନ ଅଧିକାରୀ ମିଳିତ ଭାବେ ଚଢ଼ାଉ କରି ୨୩ଟି ଭାରିଯାନକୁ ଇ-ଫାଇନ୍ କରି ଚାଲାଣ କାଟିଛନ୍ତି । ରାସ୍ତାକୁ ଖାଲି କରି ସର୍ବସାଧାରଣଙ୍କ ପାଇଁ ସୁରକ୍ଷା ବ୍ୟବସ୍ଥାକୁ ସୁଦୃଢ କରିବା ପାଇଁ ଏହି ଚଢ଼ାଉ ଜାରି ରହିବ ବୋଲି ଜିଲ୍ଲା ପରିବହନ ଅଧିକାରୀ କହିଛନ୍ତି ।
You Can Read:
ଆକ୍ଟିଭ ମୁ଼ଡ୍ରେ ଛତ୍ରପୁର ବିଧାୟକ : ଆହାର କେନ୍ଦ୍ରରେ ଖାଇଲେ, ସ୍କୁଲ ପିଲାଙ୍କ ସହ ମଧ୍ୟାହ୍ନ ଭୋଜନ କରି ମାନ ପରଖିଲେ