ନୂଆଦିଲ୍ଲୀ: ବିଦେଶ ମନ୍ତ୍ରୀ ଏସ.ଜୟଶଙ୍କର ଗୁରୁବାର ଦକ୍ଷିଣ ଆଫ୍ରିକାର କେପ ଟାଉନରେ ବ୍ରିକ୍ସ ମନ୍ତ୍ରିସ୍ତରୀୟ ବୈଠକରେ ନିଜ ରୁଷ ପ୍ରତିପକ୍ଷଙ୍କୁ ଭେଟିଛନ୍ତି । ଜୟଶଙ୍କର ଏବଂ ସର୍ଗେଇ ଲାଭରୋଭ ମଧ୍ୟରେ ଏହି ବୈଠକ ଏପରି ଏକ ସମୟରେ ହେଉଛି, ଯେତେବେଳେ ପାଶ୍ଚାତ୍ୟ ଦେଶଗୁଡିକ ରୁଷ-ୟୁକ୍ରେନ ଯୁଦ୍ଧରେ ଭାରତକୁ ନିଜ ପକ୍ଷରେ ଆଣିବା ପାଇଁ ଚାପ ପ୍ରୟୋଗ କରୁଛନ୍ତି ।
ଏହା ପୂର୍ବରୁ ମଇ ୨୧ରେ ପ୍ରଧାନମନ୍ତ୍ରୀ ମୋଦୀ ହିରୋଶିମାରେ ଜି-୭ ଶିଖର ସମ୍ମିଳନୀରେ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କୁ ଭେଟିଥିଲେ । ସେହି ସମୟରେ ମସ୍କୋ ଏବଂ କିଭ୍ ମଧ୍ୟର ସଂଘର୍ଷକୁ ସମାଧାନ କରାଇବା ନେଇ ଆଶ୍ୱାସନା ଦେଇଥିଲେ । ଗତ ବର୍ଷ ଫେବ୍ରୁଆରୀ ୨୪ରେ ଆରମ୍ଭ ହୋଇଥିବା ରୁଷ-ୟୁକ୍ରେନ ସଂଘର୍ଷ ପରେ ଦୁଇ ନେତାଙ୍କ ମଧ୍ୟରେ ଏହା ପ୍ରଥମ ବୈଠକ ଥିଲା ।
ବିଦେଶ ମନ୍ତ୍ରୀ ଏସ.ଜୟଶଙ୍କର ଜୁନ ୧ରୁ ୬ ମଧ୍ୟରେ ଆଫ୍ରିକୀୟ ଦେଶ, ଦକ୍ଷିଣ ଆଫ୍ରିକା ଏବଂ ନାମିବ୍ୟାର ସରକାରୀ ଗସ୍ତରେ ଅଛନ୍ତି । କେପ ଟାଉନରେ ଆୟୋଜିତ ବ୍ରିକ୍ସ ବିଦେଶ ମନ୍ତ୍ରୀଙ୍କ ବୈଠକରେ ସାମିଲ ହେବା ପାଇଁ ଦକ୍ଷିଣ ଆଫ୍ରିକାରେ ଅଛନ୍ତି । ବୈଠକ ବାହାରେ ସେ ନିଜ ଦକ୍ଷିଣ ଆଫ୍ରିକା ସମକକ୍ଷ ନାଲେଦୀ ପଣ୍ଡୋରଙ୍କ ସହ ଦ୍ୱିପାକ୍ଷିକ ବୈଠକ କରିବେ ।
READ ALSO:LACରେ ନିକଟରେ ଚୀନ ନିର୍ମାଣ କରୁଛି ଏୟାରଫିଲ୍ଡ, ସାଟେଲାଇଟ୍ ଚିତ୍ରରୁ ଡ୍ରାଗନର ପର୍ଦ୍ଦାଫାଶ
wp:html/wp:htmlGood to meet FM Sergey Lavrov of Russia in Cape Town this morning on BRICS FMM sidelines.
— Dr. S. Jaishankar (@DrSJaishankar) June 1, 2023
Our discussions covered bilateral matters, BRICS, G20 and SCO. pic.twitter.com/sgClHv3iSn
ଉଲ୍ଲେଖଯୋଗ୍ୟ, ଭାରତ ଏବଂ ଚୀନ ସକ୍ରିୟ ରୂପେ ଆଫ୍ରିକା ସହ ନିଜ ସମ୍ପର୍କ ଅଧିକ ମଜଭୁତ କରିବା ପାଇଁ ଉଦ୍ୟମ କରୁଛନ୍ତି । ନିକଟରେ କେନ୍ଦ୍ରୀୟ ମନ୍ତ୍ରିମଣ୍ଡଳ ୨୦୧୮-୨୦୨୧ରେ ଚାରି ବର୍ଷର ଅବଧିରେ ୧୮ ନୂଆ ଭାରତୀୟ ମିଶନ ଆରମ୍ଭ କରିବା ପାଇଁ ମଞ୍ଜୁରୀ ଦେଇଥିଲେ । ଏହି ପଦକ୍ଷେପକୁ ଭାରତ-ଆଫ୍ରିକା ମଧ୍ୟରେ ସମ୍ପର୍କକୁ ଆଗକୁ ବଢାଇବା ରୂପେ ଦେଖାଯାଉଛି ।
wp:heading
