ସମ୍ବଲପୁର ୨୨।୬: ସମ୍ବଲପୁର ସହରରେ ପୁଣି ଜଣ୍ଡିସ ଆତଙ୍କ ଦେଖାଦେଇଥିବା ବେଳେ ଶୁକ୍ରବାର ରାତି ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୬୮ରେ ପହଞ୍ଚିଛି । ଶନିବାର କୌଣସି ନୂଆ ଆକ୍ରାନ୍ତ ଚିହ୍ନଟ ହୋଇନଥିବା ସିଡିଏମଓ ସୂଚନା ଦେଇଛନ୍ତି । ସମ୍ବଲପୁର ସହରର ସାଲିଆବଗିଚା, ପେନସନପଡା, କୁମ୍ଭାରପଡାରେ ଏଭଳି ସ୍ଥିତି ଉତ୍ପନ୍ନ ହୋଇଥିବା ବେଳେ ଏହି ତିନିପଡା ସମେତ ପାଖରେ ଥିବା ଅନ୍ୟପଡା ଗୁଡିକରେ ମଧ୍ୟ ପ୍ରଶାସନ ନଜର ଦେଇଛି । ପ୍ରତିଦିନ ସ୍ବାସ୍ଥ୍ୟ ଟିମ୍ ଜଣ୍ଡିସ ଆକ୍ରାନ୍ତ ଚିହ୍ନଟ ହୋଇଥିବା ଏହି ୩ ପଡ଼ାରେ ଘରକୁ ଘର ଯାଇ ସ୍ବାସ୍ଥ୍ୟ ପରୀକ୍ଷା କରୁଥିବା ବେଳେ ସ୍ଥିତି ଉପରେ ନଜର ରଖିଛି । ଏହାସହ ସେହିପଡା ଗୁଡିକରେ ପ୍ରଶାସନ ସାନିଟେସନ ଉପରେ ମଧ୍ୟ ଗୁରୁତ୍ବ ଦେଇଛି । ପାଣି ଫୁଟାଇ ପିଇବା, ଫାଷ୍ଟ ଫୁଡ ସାମଗ୍ରୀରୁ ଦୂରରେ ରହିବା, ନିୟମିତ ଔଷଧ ସେବନ ଉପରେ ଜୋର ଦିଆଯାଉଛି । ପିଇବା ପାଣି, ଗୁପଚୁପ ପାଣି ତଥା ଚୁସକିରୁ ଜଣ୍ଡିସ ବ୍ୟାପିଥିବା ଅନୁମାନ କରାଯାଉଛି ।
You Can Read :