ଆନନ୍ଦପୁର ୧୭।୦୬ : ମାମୁ ଘରକୁ ଛୁଟି କଟାଇବାକୁ ଆସିଥିଲେ । ପୋଖରୀରେ ବୁଡି ଚାଲିଗଲା ନାବାଳିକାଙ୍କ ଜୀବନ । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘସିପୁରା ଥାନା ଦରଖଳା ଗାଁରେ ଏଭଳି ଅଭାବନୀୟ ଘଟଣା ଘଟିଛି।
ଖବର ଅନୁଯାୟୀ, ମୃତ ନାବାଳିକା ଆନନ୍ଦପୁର ଥାନା ବିରବଲ ଗାଁର ସନା ହୋଙ୍କ ୬ ବର୍ଷୀୟା ଝିଅ ମିଞ୍ଜାରୀ ରବିବାର ସଂଧ୍ୟାରେ ମାଙ୍କ ସହ ମିଞ୍ଜାରୀ ମାମୁ ଘର ଗାଁ ପୋଖରୀକୁ ଗାଧୋଇବାକୁ ଯାଇଥିଲେ । ସେଠାରେ ଗାଧୋଉଥିବା ସମୟରେ ହଠାତ୍ ତାଙ୍କ ଗୋଡ ଖସିଯାଇଥିଲା । ଯାହାଫଳରେ ନାବାଳିକା ଜଣଙ୍କର ପୋଖରୀରେ ବୁଡି ମୃତ୍ୟୁ ହୋଇଯାଇଛି । ସେପଟେ ଘଟଣା ସଂପର୍କରେ ଖବର ପାଇ ଘଷିପୁରା ଅଗ୍ନିଶମ ବାହିନୀ ପହଞ୍ଚି ପୋଖରୀରୁ ନାବାଳିକାଙ୍କ ମୃତଦେହ ଉଦ୍ଧାର କରିଛି ।
