ଭୁବନେଶ୍ୱର ୦୨/୦୪: ବିଧାନସଭା ଓ ଲୋକସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି କଂଗ୍ରେସ । ପ୍ରଥମ ପର୍ଯ୍ୟାୟରେ ଦଳ ୪୭ ବିଧାନସଭା ସହ ୨ଟି ସହଯୋଗୀ ଦଳ ପାଇଁ ଟିକେଟ ଘୋଷଣା କରିଛି । ସେହିପରି ୮ଟି ଲୋକସଭା ପାଇଁ ଦଳ ପ୍ରାର୍ଥୀ ଘୋଷଣା କରିଛି । ତେବେ ଏଥର ମୈଦାନରେ ହେବ ଅସଲ ଲଢେଇ ।
ବିଶେଷକରି ବଲାଙ୍ଗୀର ଆସନରେ ଦେଖିବାକୁ ମିଳିବ ପରିବାର ବାଦ ରାଜନୀତି । ସେଠାରେ ଏଠକ ବାପାଙ୍କ ଗଡରେ ଲଢିବେ ପୁଅ । ଅର୍ଥାତ୍ ବାପାଙ୍କ ବଦଳରେ ପୁଅକୁ ଟିକେଟ ଦେଇଛି କଂଗ୍ରେସ । ମାନେ କହିବାକୁ ଗଲେ ଦୀର୍ଘଦିନ ଧରି ଗଡ ବଜାୟ ରଖିଥିବା କଂଗ୍ରେସର ବରିଷ୍ଠ ନେତା ନରସିଂହ ମିଶ୍ର ଏଥର ଲଢିବେନି ନିର୍ବାଚନ । ହେଲେ ତାଙ୍କ ସ୍ଥାନରେ ଏଥର ଲଢିବେ ପୁଅ ସମରେନ୍ଦ୍ର ମିଶ୍ର । ତାଙ୍କ ସ୍ଥାନରେ ତାଙ୍କ ପୁଅ ସମରେନ୍ଦ୍ର ମିଶ୍ରଙ୍କୁ ଟିକେଟ ଦେଇଛି କଂଗ୍ରେସ ।
ବାପାଙ୍କ ସ୍ଥାନକୁ ପୂରଣ କରିବାକୁ ଏଥର ନିର୍ବାଚନରେ ମୈଦାନକୁ ଓହ୍ଲାଇବେ ପୁଅ । ୨୦୧୪ ମସିହାରୁ ବଲାଙ୍ଗୀରରେ ନିର୍ବାଚନ ଲଢୁଛନ୍ତି ନରସିଂହ ମିଶ୍ର । ସେ ୨୦୧୪ ମସିହାରେ ପ୍ରଥମଥର ନିର୍ବାଚନରେ ବିଜୟୀ ହୋଇ ବିଧାୟକ ହୋଇଥିଲେ । ଏହାପରେ ୨୦୧୯ରେ ବି ସେ ବିଜୟୀ ହୋଇ କଂଗ୍ରେସ ବିଧାୟକ ରହିଥିଲେ । ହେଲେ ଏଥର ନିର୍ବାଚନ ନଲଢି ନିଜ ପୁଅକୁ ମୈଦାନକୁ ଓହ୍ଲାଇଛନ୍ତି । ସେପଟେ ସମରେନ୍ଦ୍ର ମିଶ୍ରଙ୍କୁ ଟକ୍କର ଦେବେ ବିଜେଡି ପ୍ରାର୍ଥୀ କଳିକେଶ ନାରାୟଣ ସିଂହଦେଓ ।
