ସମ୍ବଲପୁର ୧୭/୦୬: ବିଦ୍ୟୁତ ଆଘାତରେ ହାତୀ ମୃତ । ସମ୍ବଲପୁର ଜିଲ୍ଲା ସଦର ପରେଷ୍ଟ ଡିଭିଜନ ଯୁଯୁମୁରା ରେଞ୍ଜର ବସିଆପଡା ଗାଁରେ ଘଟିଛି ଏହି ଅଘଟଣ । ଖାଦ୍ଯ ଅନ୍ବେଷଣରେ ଆସି ଦନ୍ତା ହାତୀଟି ବିଦ୍ଯୁତ ତାର ସଂସ୍ପର୍ଶରେ ଆସିବାରୁ ଘଟଣାସ୍ଥଳରେ ହିଁ ମୃତ୍ଯୁ ହୋଇଛି ।
ସୂଚନାଥାଉକି, ଦନ୍ତା ହାତୀଟି ଯୁଯୁମୁରା ଅଂଚଳରେ ପ୍ରତିଦିନ କୌଣସି ନା କୌଣସି ଘର ଭାଙ୍ଗି ଚାଉଳ ଧାନ ପରି ସାମଗ୍ରୀ ନେଉଥିଲା । ତେବେ ରବିବାର ରାତିରେ ମଧ୍ଯ ଜଣଙ୍କ ଘରେ ପଶିବାକୁ ଚେଷ୍ଟା କରିବାରୁ ସେଠାରେ ଯାଇଥିବା ବିଦ୍ଯୁତ ତାର ସଂସ୍ପର୍ଶରେ ଆସିବାରୁ ଘଟଣା ସ୍ଥଳରେ ହାତୀଟିର ମୃତ୍ଯୁ ହୋଇଛି । ଖବର ପାଇ ସ୍ଥାନୀୟ ବନ ବିଭାଗର ଟିମ୍ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛନ୍ତି ।