ନୂଆଦିଲ୍ଲୀ: ସୋସିଆଲ୍ ମିଡିଆରେ ଆକ୍ଟିଭ ରହୁଥିବା ସଚିନ ତେନ୍ଦୁଲକର ଯୁବ ପ୍ରତିଭାବାନ ଖେଳାଳିଙ୍କ ଭିଡିଓ ସେୟାର କରି ସେମାନଙ୍କ ପ୍ରତିଭାକୁ ପ୍ରଶଂସା କରିଥାନ୍ତି । କ୍ରିକେଟର ଭଗବାନ ସଚିନ ତେନ୍ଦୁଲକର ଶୁକ୍ରବାର ସୋସିଆଲ୍ ମିଡିଆରେ ଏକ ଭିଡିଓ ସେୟାର କରିଥିଲେ । ଭିଡିଓରେ ଜଣେ କମ ବୟସର ଝିଅ ବୋଲିଂ କରୁଥିବା ନଜର ଆସୁଛନ୍ତି । ଏହି ଭିଡିଓକୁ ସେୟାର କରି ସେ ଭାରତର ପୂର୍ବତନ ମହାନ ବୋଲର ଜାହିନ ଖାନଙ୍କୁ ଟ୍ୟାଗ୍ କରିଥିଲେ ।

Smooth, effortless, and lovely to watch! Sushila Meena’s bowling action has shades of you, @ImZaheer.
Do you see it too? pic.twitter.com/yzfhntwXux

— Sachin Tendulkar (@sachin_rt) December 20, 2024

ସଚିନ ଏକ୍ସରେ ପୋଷ୍ଟ କରି ଲେଖିଥିଲେ, 'ସହଜ, ସରଳ ଏବଂ ଦେଖିବାରେ ସୁନ୍ଦର, ସୁଶୀଲା ମୀନାଙ୍କ ବୋଲିଂ ଆକ୍ସନରେ ଜାହିନ ଖାନ ତୁମର ଝକଲ ଦେଖାଯାଉଛି, ତୁମେ ବି ଅନୁଭବ କରି କି ?' ସୁଶୀଲାଙ୍କ ବୋଲିଂ ଭିଡିଓ ସ୍ଲୋ ମୋସନରେ ରହିଛି । ଭିଡିଓରେ ତାଙ୍କ ବୋଲିଂ ଆକ୍ସନରେ ଜାହିର ଖାନଙ୍କ ଝଲକ ନଜର ଆସୁଛି । ସଚିନଙ୍କ ଏହି ପୋଷ୍ଟ ସୁଶୀଲାଙ୍କ ବୋଲିଂ ଭିଡିଓ ଭାଇରାଲ ହେବାରେ ଲାଗିଛି ।

ରାଜସ୍ଥାନର ଏକ ଛୋଟିଆ ଗାଁର ଚାଷୀ ପରିବାରରୁ ଆସୁଥିବା ୧୨ ବର୍ଷୀୟା ସୁଶୀଲା ବର୍ତ୍ତମାନ ପ୍ରାଥମିକ ସ୍କୁଲରେ ପଢୁଛନ୍ତି । ଗାଁରେ ପଢୁଥିବା ସୁଶୀଲାଙ୍କ ପାଖରେ କ୍ରିକେଟ୍ ଉପକରଣ କେତେ ପହଞ୍ଚିଥିବା ତାହା ଜଣାନାହିଁ । କିନ୍ତୁ ସଚିନଙ୍କ ଗୋଟିଏ ପୋଷ୍ଟ ତାଙ୍କ ପ୍ରତିଭାକୁ ନୂଆ ଉଡାଣ ଦେବାକୁ ଯାଉଛି ।

Smooth, effortless, and lovely to watch! Sushila Meena’s bowling action has shades of you, @ImZaheer.
Do you see it too? pic.twitter.com/yzfhntwXux

— Sachin Tendulkar (@sachin_rt) December 20, 2024

ସଚିନଙ୍କ ପୋଷ୍ଟ ଉପରେ ଦେଶର ସବୁଠୁ ବଡ଼ ଶିଳ୍ପପତି ପରିବାର ମଧ୍ୟରୁ ଗୋଟିଏ ଆଦିତ୍ୟ ବିର୍ଲା ଗ୍ରୁପ୍ କମେଣ୍ଟ ଦେଇଛି । ୧୮ ଲକ୍ଷ କୋଟି ଟଙ୍କାରୁ ଅଧିକ ସମ୍ପତ୍ତି ଥିବା କୁମାର ମଙ୍ଗଲମ ବିର୍ଲାଙ୍କ କମ୍ପାନି ସୁଶୀଲାଙ୍କ ଟ୍ରେନିଂ ଦେବାକୁ ଇଚ୍ଛା ପ୍ରକାଶ କରିଛି । 'ଫୋର୍ସ ଫର୍ ଗୁଡ୍' ଅଧନରେ ସୁଶୀଲାକୁ କ୍ରିକେଟ୍ ଟ୍ରେନିଂ ଦେବା ପାଇଁ ଚାହୁଁଛୁ, ଫଳରେ ସେ ନିଜ ଚମକ ଦେଖାଇପାରିବେ ।