କଟକ ୧୯/୮: ରାକ୍ଷୀ ପୂର୍ଣ୍ଣିମାରେ ଅଘଟଣ । କେନାଲକୁ ଗାଧୋଇବାକୁ ଯାଇ ଯୁବକ ନିଖୋଜ । ସେ ବିହାର ଅଞ୍ଚଳର ବିତେଶ ଯାଦବ । ବୟସ ୧୯ ବର୍ଷ । ବିତେଶ କିଛି ସାଙ୍ଗଙ୍କ ସହ ଜଗତପୁର ନିକଟ କେନାଲକୁ ଗାଧୋଇବାକୁ ଆସିଥିଲେ । ହଠାତ କେନାଲ ମଝିକୁ ଯାଇ ନିଖୋଜ ହୋଇଯାଇଥିଲେ ବିତେଶ ।
ତାଙ୍କ ସହ ଯାଇଥିବା ୩ ଜଣ ସାଂଗ ବହୁତ ଖୋଜାଖୋଜି କରିଥିଲ ମଧ୍ୟ ବିତେଶଙ୍କୁ ପାଇନଥିଲେ । ନିରାଶ ହୋଇ କୂଳକୁ ଆସି ପରିବାର ଲୋକ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ବିତେଶଙ୍କୁ ଖୋଜିବାକୁ ଚାଉଳିଆଗଞ୍ଜ ଅଗ୍ନିଶମ ବିଭାଗ ପକ୍ଷରୁ ସର୍ଚ୍ଚ ଅପରେସନ ଆରମ୍ଭହୋଇଛି । ଏବେ ଯାଏ ବିତେଶଙ୍କ ପତ୍ତା ମିଳିନି ।
