ଭୁବନ ୧୭/୦୬: ପ୍ରେମ ପାଇଁ ଜୀବନ ହାରିଲେ ଛାତ୍ରୀ । ଆଉ ହାତରେ ଲେଖିଦେଇ ଗଲା ପ୍ରେମିକାର ନାଁ ଓ ନମ୍ୱର । ମୃତ ଛାତ୍ରୀ ଜଣଙ୍କ ହେଉଛନ୍ତି ଢେଙ୍କାନାଳ ଜିଲ୍ଲା ଭୁବନ ଥାନା ସୁରପ୍ରତାପପୁର ଫାଣ୍ଡି ଅନ୍ତର୍ଗତ ନୁଆଟିପିଲେଇ ଗ୍ରାମର ପ୍ରେମାନନ୍ଦ ପ୍ରଧାନଙ୍କ ଝିଅ ଦୀପା ପ୍ରଧାନ । ସେ ପିଜି ଛାତ୍ରୀ ଥିଲେ ।
ଦୀପା ଘରର ଫ୍ୟାନରେ ନିଜ ଓଢଣୀ ଲଗାଇ ଆତ୍ମହତ୍ୟା କରିଥିବା ଅଭିଯୋଗ କରିଛନ୍ତି ବାପା । ବାପାଙ୍କ ଅଭିଯୋଗ ଅନୁସାରେ ସେହି ଗ୍ରାମର ଚିଣ୍ଟୁ ଦଳେଇଙ୍କ ସହ ଝିଅର ପ୍ରେମ ସମ୍ପର୍କ ଗଢିଉଠିଥିଲା । ପରେ ଉଭୟ ପରିବାର ପକ୍ଷରୁ ବିବାହ ମଧ୍ୟ ସ୍ଥିର ହୋଇଥିଲା । ହେଲେ କୌଣସି କାରଣରୁ ବିବାହ ଭାଙ୍ଗି ଯାଇଥିଲା ।
ଯାହାକୁ ସହଜରେ ଗ୍ରହଣ କରିପାରିନଥିଲେ ଦୀପା । ସେହି କାରଣରୁ ଝିଅ ଦୀପା ଆତ୍ମହତ୍ୟା କରିଛନ୍ତି ବୋଲି ଅଭିଯୋଗ କରିଛନ୍ତି ବାପା ପ୍ରେମାନନ୍ଦ ପ୍ରଧାନ। ସେପଟେ ଛାତ୍ରୀଙ୍କ ଘରେ ଭୁବନ ପୋଲିସ ପହଞ୍ଚ ଛାତ୍ରୀଙ୍କ ମୃତଦେହକୁ ଜବତ କରି ବ୍ୟବଛେଦ ପାଇିଁ ପଠାଇ ତଦନ୍ତ ଚଳାଇଥିବା ଜଣାପଡିଛି ।