ବୌଦ୍ଧ ୦୯।୦୯ : ବୌଦ୍ଧ ଆଦର୍ଶ ଥାନା ବଘିଆପଡ଼ା ଫାଣ୍ଡି ଚେରୁଆପାଲି ଗାଁରେ ଅଭାବନୀୟ ଘଟଣା । ଶୋଇଥିବା ବେଳେ ସାପ କାମୁଡାରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ରାତିରେ ଖାଇ ସାରି ପୁରା ପରିବାର ଶୋଇଥିଲେ । ଏହି ସମୟରେ ହଠାତ୍ ଏକ ସାପ କାମୁଡିଥିଲା । ଯେଉଁଥିରେ ତିନି ନାବାଳିକା ଭଉଣୀଙ୍କର ମୃତ୍ୟୁ ହୋଇଥିବା ବେଳେ ବାପା ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ବାପା ସୈଲେନ୍ଦ୍ର ମଲ୍ଲିକଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା , ସେଠାରେ ପ୍ରାଥମିକ ଚିକିତ୍ସା ପରେ ବୁର୍ଲା ମେଡିକାଲକୁ ସ୍ଥାନାନ୍ତରିତ କରାଯାଇଛି । ବାକି ମୃତକ ତିନି ଭଉଣୀ ହେଲେ ସୁଧିରେଖା ମଲ୍ଲିକ (୧୪ ବର୍ଷ), ସୁଭରେଖା ମଲ୍ଲିକ (୧୨ ବର୍ଷ), ସୁରଭି ମଲ୍ଲିକ (୩ ବର୍ଷ) ବୋଲି ଜଣାପଡିଛି ।
