ବଲାଙ୍ଗୀର ୨୬/୧୦: ଡ୍ରଗ୍ସ କାରବାର ପାଇଁ ହତ୍ୟାକାଣ୍ଡ । ବଲାଙ୍ଗୀର ପୁଇଁତଳା ଥାନା ତଳମୁଣ୍ଡା ଗାଁ ନିକଟ ଜଙ୍ଗଲରୁ ଯୁବକ-ଯୁବତୀଙ୍କ ମୃତଦେହ ଉଦ୍ଧାର ଘଟଣାରେ ଏସ୍ଡିପିଓଙ୍କ ଖୁଲାସା । ଜଣେ ଯୁବତୀ ଓ ୩ ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୋଲିସ ।ଗୋଟିଏ ଭେରନା କାର ଜବତ କରାଯାଇଛି । ଘଟଣାର ୩ ଦିନ ପରେ ଯୁବକ ଯୁବତୀଙ୍କ ପତ୍ତା ମିଳିଛି । ଉଭୟ ଝାରଖଣ୍ଡର ହୋଇଥିବାବେଳେ ମୃତକଙ୍କ ପରିଚୟ ଗୋପନ ରଖିଛି ପୋଲିସ । ତାଙ୍କ ପରିବାର ଲୋକ ଆସି ବଲାଙ୍ଗୀରରେ ପହଞ୍ଚିଛନ୍ତି । ଶନିବାର ମୃତଦେହର ପୋଷ୍ଟମର୍ଟମ କରାଯିବ । ଡ୍ରଗ୍ସ କାରବାରକୁ ନେଇ ଉଭୟଙ୍କୁ ହତ୍ୟା କରାଯାଇଥିବା ପୋଲିସର ଖୁଲାସା ଅନେକ ରହସ୍ୟକୁ ଇଙ୍ଗିତ କରୁଛି । l ପୋଲିସ ଏନେଇ ପୁରା ତଥ୍ୟ ଦେଇନି । ଗତ ୨୪ରେ ଜଙ୍ଗଲରୁ ଯୁବକ-ଯୁବତୀଙ୍କ ମୃତଦେହ ମିଳିଥିଲା । ଅଧା ଉଲଗ୍ନ ଅବସ୍ଥାରେ ପଡିଥିଲେ ଯୁବକ । ବେକରେ ଥିଲା କଟା ଦାଗ । ସେହିପରି ଯୁବତୀଙ୍କ ବେକ ମଧ୍ୟ କଟାଯାଇଥିବା ଦେଖିବାକୁ ମିଳିଥିଲା । ମୃତଦେହ ଉଦ୍ଧାର କରି ଛାନ୍ଭିନ୍ ଚଳାଇଥିଲା ପୋଲିସ ।
