ପଟ୍ଟାମୁଣ୍ଡାଇ ୧୩।୮: ପଟ୍ଟାମୁଣ୍ଡାଇ କିଛିଦିନର ବ୍ୟବଧାନ ପରେ ପୁଣି ନରହନ୍ତା ସାଜିଲା କୁମ୍ଭୀର l କୁମ୍ଭୀର ଟାଣି ନେଇଥିବା ମହିଳାଙ୍କ ମୃତଦେହ ଉଦ୍ଧାର । କେନ୍ଦ୍ରପଡା ଜିଲ୍ଲା ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ଅଳପୁଆ ପଞ୍ଚାୟତ ଅଳପୁଆଡିଆ ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା ।
ସୂଚନାଯୋଗ୍ୟ ଯେ, ଗାଁର ୫୫ ବର୍ଷ ବୟସ୍କା ମହିଳା ମଞ୍ଜୁଲତା ଭଞ୍ଜ ସୋମବାର ଅପରାହ୍ନ ୪ଟା ସମୟରେ ବାସନ ମାଜିବାକୁ ବ୍ରାହ୍ମଣୀ ନଦୀକୁ ଯାଇଥିଲେ । ମଞ୍ଜୁଲତା ଘରକୁ ନଫେରିବାରୁ ଘର ଲୋକେ ପାଖ ବ୍ରାହ୍ମଣୀ ନଦୀକୂଳକୁ ଯାଇ ଖୋଜାଖୋଜି କରିଥିଲେ l ହେଲେ ନଦୀକୂଳରେ ବାସନ ପଡିଥିବା ବେଳେ ମଞ୍ଜୁଳାକୁ ପାଇନଥିଲେ । ପରିବାର ଲୋକ ଓ ଗ୍ରାମବାସୀ କୁମ୍ଭୀର ଟାଣି ନେଇଥିବା ସନ୍ଦେହରେ ଅଗ୍ନିଶମ ବିଭାଗକୁ ଫୋନ୍ କରିବା ସହିତ ଡଙ୍ଗାରେ ଖୋଜାଖୋଜି କରିଥିଲେ । ମଞ୍ଜୁଳାଙ୍କ ପତ୍ତା ମିଳିନଥିବା ବେଳେ ମଙ୍ଗଳବାର କୁଳସାହି ଆଶ୍ରମ ନିକଟ ନଦୀରୁ ମଞ୍ଜୁଳାଙ୍କ କ୍ଷତବିକ୍ଷତ ମୃତଦେହ ଭାସୁଥିବା ଦେଖିବାକୁ ମିଳିଥିଲା l ପରେ ପଟ୍ଟାମୁଣ୍ଡାଇ ଅଗ୍ନିଶମ ବାହିନୀ ପହଞ୍ଚି ମଞ୍ଜୁଳାଙ୍କ ମୃତଦେହ ଉଦ୍ଧାର କରିଛି I ଗତ ବର୍ଷ କୁମ୍ଭୀର ଆକ୍ରମଣ ଘଟଣା ଏ ପର୍ଯ୍ୟନ୍ତ ମନରୁ ଲିଭି ନଥିବା ବେଳେ ମଞ୍ଜୁଲତାଙ୍କୁ କୁମ୍ଭୀର ଟାଣି ନେବା ଘଟଣା ପଟ୍ଟାମୁଣ୍ଡାଇ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି ।
You Can Read:
