ବାଲେଶ୍ଵର ୨୦।୧୧ : ବାଲେଶ୍ୱର ଗୁଜୁରୀ ବଜାର ପେଟ୍ରୋଲ ପମ୍ପ ନିକଟରେ ମର୍ମନ୍ତୁଦ ଦୁର୍ଘଟଣା । ବାଇକ୍ ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ଗୋଟିଏ ବାଇକ୍ରେ ୪ ଜଣ ଯୁବକ ଯାଉଥିଲେ । ଏହି ସମୟରେ ହଠାତ୍ ଗାଡିଟି ବାଲେଶ୍ୱର ଗୁଜୁରୀ ବଜାର ପେଟ୍ରୋଲ ପମ୍ପ ନିକଟରେ ଭାରସାମ୍ୟ ହରାଇ ଦୁର୍ଘଟଣାର ଶିକାର ହୋଇଥିଲା । ଯାହାଫଳରେ ଗାଡ଼ିରେ ଥିବା ବ୍ୟକ୍ତିଙ୍କ ମଧ୍ୟରୁ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି । ତେବେ ଦୁର୍ଘଟଣାରେ ପରେ ଦୁଇ ଜଣଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମୃତ ଦୁଇ ଜଣ କାଶିମା ବାଦର ବିକାଶ ମୁର୍ମୁ ଓ ଗୁଜରି ବଜାରର ବାପି ମୁର୍ମୁ ବୋଲି ଜଣାପଡିଛି । ସେହିପରି ଗୁରୁତର ଥିବା ଦୁଇ ଜଣ ହେଲେ କରଞ୍ଜିଆର ଅନନ୍ତ ମାଝୀ ଏବଂ ରାହୁଲ ମାଝୀ । ସମସ୍ତ ଯୁବକ ନିଶାସକ୍ତ ଅବସ୍ଥାରେ ଥିବା ସୂଚନା ମିଳିଛି ।
