ନୂଆପଡା ୧୫/୯: ପୋଖରୀକୁ ଶୌଚ ହେବାକୁ ଯାଇଥିଲେ । ଆକ୍ରମଣ କଲା ଭାଲୁ । ଗୁରୁତର ୨ ମହିଳାଙ୍କୁ ବଞ୍ଚାଇଲା କୁକୁର । ନୂଆପଡା ରେଞ୍ଜ କୋଟ୍ରିବାହାଲ ଗାଁର ଘଟଣା । ୨ ମହିଳା ସ୍ଥାନୀୟ ଅଞ୍ଚଳର କୌଶଲ୍ୟା ଭୋଇ ଓ ଚଉବନି କେତକୀ । ଉଭୟ ଶୌଚ ପାଇଁ ଗାଁ ପୋଖରୀକୁ ଯାଇଥିଲେ । ସେଠାରେ ଭାଲୁ ଆକ୍ରମଣ କରିଥିଲା । ଭାଲୁ କବଳରୁ ବଞ୍ଚିବା ପାଇଁ ଚିତ୍କାର କରିଥିଲେ ମଧ୍ୟ ଭାଲୁ ଛାଡିନଥିଲା ।ଅଧିକ ହିଂସ୍ର ହୋଇ ଲହୁଲୁହାଣ କରିଥିଲା । ଏହି ସମୟରେ ପାଖରେ ଥିବା କିଛି ବୁଲା କୁକୁର ଭୁକିବା ସହ ଭାଲୁକୁ ଘେରି ଯାଇଥିଲେ । ଭୟରେ ଭାଲୁଟି ମହିଳାଙ୍କୁ ଛାଡି ଜଙ୍ଗଲକୁ ପଳାଇଥିଲା । ଗୁରୁତର ଅବସ୍ଥାରେ ଉଭୟଙ୍କୁ କୋମନା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।