ଜଳେଶ୍ବର ୯।୮: ମାଛ ନେଇ ଆସୁଥିବା ବେଳେ ବାଇକ୍ ଆରୋହୀଙ୍କୁ ପଛପଟୁ ଧକ୍କା ଦେଲା ଚୋରା ବାଲି ବୋଝେଇ ଟ୍ରାକ୍ଟର । ଘଟଣାସ୍ଥଳରେ ବାଇକ ଆରୋହୀଙ୍କ ମୃତ୍ୟୁ । ବାଲେଶ୍ଵର ଜିଲ୍ଲା ବାଲିଆପାଳ ଥାନା ଅଞ୍ଚଳରେ ଘଟିଛି ଏଭଳି ଦୁର୍ଘଟଣା । ମୃତ ବାଇକ୍ ଆରୋହୀ ଜଣକ ହେଲେ ମୁରଲୀଧର ମଣ୍ଡଳ । ପୋଲିସର ତଦନ୍ତ ଜାରି ।
ସୂଚନାଯୋଗ୍ୟ ଯେ, ବାଲେଶ୍ଵର ଜିଲ୍ଲା ବାଲିଆପାଳ ଥାନା କାଳରୋହୀ ଗ୍ରାମର ମୁରଲୀଧର ମଣ୍ଡଳ ଶୁକ୍ରବାର ଦିନ ୧୦ଟା ସମୟରେ ନିଜ ବାଇକରେ ଡଗରା ଅଞ୍ଚଳରୁ ମାଛ ବୋଝେଇ କରି ବାଲିଆପାଳ ବଜାରକୁ ବିକିବା ପାଇଁ ଆସୁଥିବା ବେଳେ ବାଲିଆପାଳ-କାଳିପଦା ମୁଖ୍ୟ ରାସ୍ତାର କେନାଲ ଆଡି ଛକ ନିକଟରେ ପଛପଟୁ ଦ୍ରୁତଗତିରେ ଆସୁଥିବା ଏକ ଚୋରା ବାଲି ବୋଝେଇ ଟ୍ରାକ୍ଟର ତାଙ୍କୁ ଧକ୍କା ଦେଇଥିଲା । ଘଟଣାସ୍ଥଳରେ ବାଇକ୍ ଆରୋହୀର ବାଇକ୍ରୁ ତଳକୁ ଖସି ପଡ଼ିଥିଲା ବେଳେ ଚୋରା ବାଲି ବୋଝେଇ ଟ୍ରାକ୍ଟରଟି ଘଟଣାସ୍ଥଳରୁ ଛୁ ମାରିଥିଲା । ସ୍ଥାନୀୟ ଲୋକେ ବାଇକ୍ ଆରୋହୀକୁ ୧୦୮ ଆମ୍ବୁଲାନ୍ସ ଯୋଗେ ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ । ମାତ୍ର ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ଖବର ପାଇ ବାଲିଆପାଳ ପୋଲିସ ପହଞ୍ଚି ଶବ ଜବତ କରି ତଦନ୍ତ ଜାରି ରଖିଛି ।
You Can Read:
